Якунига етган Суперлига – 2018 баҳсларини баҳсларини жами 1.545.623 нафар мухлис бевосита ўйингоҳларда томоша қилди (ўртача ҳар бир ўйинга 8050 нафардан тўғри келади).
Мухлислар тўплаш борасида Наманганнинг “Навбаҳор” жамоаси пешқадамликни қўлга киритди. Ушбу жамоа иштирокидаги 32та учрашувга жами 368375 томошабин ташриф буюрди.

Тошкентнинг “Пахтакор” клуби иштирокидаги ўйинларга жами 345819 нафар мухлис ташриф буюрди ва ушбу  кўрсаткич бўйича “шерлар” иккинчи поғонани банд этишди.

“Бухоро” жамоаси эса 329846 натижа билан учинчи ўринни банд этди. Жиззахнинг “Сўғдиёна” клуби иштирокидаги ўйинларга эса энг кам томошабин келган – 190242.

Шунингдек, “Навбаҳор”  ўз майдонида ҳам энг кўп ишқибоз тўплаган жамоа бўлди. Наманганда бўлиб ўтган “лочинлар” иштирокидаги 16та ўйинга жами 247117 мухлис ташриф буюрди. Бу ҳар бир учрашувга ўртача 15444 томошабин келди, деганидир.
2018 йилги Ўзбекистон чемпиони “Локомотив” эса  бу борада энг паст кўрсаткичга эга бўлди. “Темирйўлчилар”нинг уй ўйинларига жами 68231 мухлис келди.

Сафардаги баҳсларда эса аксинча, “Локомотив”нинг мухлиси энг кўп - 183240.

Эътиборлиси, сафарда мухлис тўплаш борасида кейинги ўринларни ҳам Тошкент клублари эгаллашди: “Пахтакор” - 171526 ва “Бунёдкор” - 171057.
Сафар ўйинларида энг кам мухлис тўплаган жамоа эса “Қизилқум” бўлди -  96472 нафар.

“Навбаҳор” ПФК матбуот хизмати.