Xalqaro futbol uyushmasi nihoyat, JCH-2018ga futbolchi yuborgan klublarga beriladigan bonuslar miqdorini e’lon qildi. Demak, FIFA umumiy hisobda deyarli 209 million dollar ajratgan bo‘lib, shuncha mablag‘ 63ta milliy assosiasiya bayrog‘i ostidagi jami 416 klub o‘rtasida taqsimlanadi. Ulardan har biri Rossiya mundialida qatnashgan futbolchilari soni va ularning milliy jamoalar ixtiyorida necha kun bo‘lishganiga qarab, turli miqdorda mukofot puli oladi. Ulushdor klublardan 254tasi UYEFA va 162tasi boshqa konfederasilardan. Xo‘sh, o‘rtadagi summa taqsimoti qanday?
Konfederasiyalar bo‘yicha
Tabiiyki, mablag‘ning katta qismi Yevropa klublariga tegadi. Oddiy aytganda, deyarli 158 million dollar «ko‘hna qit’a»da qoladi.
1. Yevropa (UYEFA) klublariga - 157 831 930 dollar
2. Osiyo (OFK) klublariga - 19 858 817 dollar
3. Shimoliy va Markaziy Amerika (KONKAKAF) klublariga - 13 136 860 dollar
4. Janubiy Amerika (KONMEBOL) klublariga - 11 315 755 dollar
5. Afrika (AFK) klublariga - 6 320 805 dollar
Mamlakatlar bo‘yicha
Mamlakatlar ro‘yxatiga qarasak, eng ko‘p ulush Angliya klublariga tegadi. E’tiborli tomoni, Rossiya chempionati bu borada Gollandiya, Turkiya, Portugaliya va Belgiya birinchiliklaridan o‘zib ketdi.
1. Angliya klublariga - 37 406 940 dollar
2. Ispaniya klublariga - 22 572 080 dollar
3. Germaniya klublariga - 18 920 672 dollar
4. Italiya klublariga - 17 454 025 dollar
5. Fransiya klublariga - 15 303 225 dollar
6. Rossiya klublariga - 10 300 492 dollar...
Klublar bo‘yicha
5 003 440 dollar - bu «Manchester Siti» g‘aznasiga tushadigan mablag‘ miqdori. Xullas, «shaharliklar» FIFAdan haq olish masalasida «Real» va «Barselona» kabi grandlardan ham oldinda!
1. «Manchester Siti» - 5 003 440 dollar
2. «Real» - 4 813 830 dollar
3. «Tottenxem» - 4 385 792 dollar
4. «Barselona» - 4 145 950 dollar
5. «PSJ» - 3 894 080 dollar
6. «Chelsi» - 3 835 357 dollar
7. «MYU» - 3 656 360 dollar
8. «Atletiko» - 3 093 190 dollar
9. «Monako» - 2 934 710 dollar
10. «Liverpul» - 2 585 205 dollar
Rossiya klublariga qarasak, «Zenit»ning ulushi katta - 1 815 445 dollar. Shuningdek, SSKA (1 774 410 dollar) va «Lokomotiv» (1 673 237 dollar) ham yaxshigina qo‘shimcha daromadga ega bo‘ladi, albatta, mamlakat miqyosida olganda.
