2019 yilda eshkak eshuvchilarimizni bir qator muhim reyting musobaqalari kutib turibdi. Buning uchun albatta atletlarimizni musobaqalarga munosib tayyorlash talab etiladi. Shu munosabat bilan 20-23 dekabr kunlari Toshkent dengizida mexanik eshkak eshish (sport mashq uskunalarida) bo‘yicha O‘zbekiston chempionati bo‘lib o‘tadi. Musobaqada yurtimizning turli hududlaridan tashrif buyurgan akademik eshkak eshuvchilar qatnashadilar.

Chempionatning birinchi kunida barcha toifadagi sportchilar o‘rtasida 3000 metr masofaga yugurish bo‘yicha musobaqalar bo‘lib o‘tadi. Ikkinchi kuni sportchilar mexanik eshkak eshish bo‘yicha 2000 metr masofaga kuch sinashadilar. Unda erkaklar, yengil vazndagi xotin-qizlar va o‘smirlar qatnashadilar. Uchinchi kuni esa yengil vazndagi erkak sportchilar, xotin qizlar yuqoridagi masofaga o‘z mahoratlarini sinovdan o‘tkazadilar.

Ma’lumot uchun, mexanik eshkak eshish bo‘yicha bahslar maxsus trenajyor uskunalarida tashkil etiladi. Ularga masofani o‘lchovchi hisoblagichlar o‘rnatilgan bo‘ladi.