UYEFA rasmiy sayti Yevropa chempionlar ligasi guruh bosqichining kashfiyot futbolchilardan iborat ramziy terma jamoasini e’lon qildi. O‘yinchilarni tanlab olishda ikkita tamoyilga amal qilindi. Birinchisi — futbolchi 24 yoshdan katta bo‘lmasligi kerak. Ikkinchisi — 2018 yilda Chempionlar ligasida debyut qilgan bo‘lishi kerak.
Darvozabon: Odisseas Vlaxodimos, 24 yosh ("Benfika")
Qiyin guruhda ushbu posbon ajoyib seyvlar bilan yodda qoldi.
Himoyachi: Milan Shkriniar, 23 yosh ("Inter")
O‘yinni ajoyib o‘qiy olish qobiliyatiga ega.
Himoyachi: Matteys de Lixt, 19 yosh ("Ayaks")
De Lixta jahon darajasidagi markaziy himoyachi. "Ayaks" akademiyasi tarbiyalanuvchisi 19 yosh bo‘lishiga qaramay, sardorlik bog‘ichi unga topshirilgan.
Himoyachi: Endi Robertson, 24 yosh ("Liverpul")
Fevral oyida Chempionlar ligasida debt qilgan futbolchi, may oyida finalda o‘ynadi.
Yarim himoyachi: Frenki de Yong, 21 yosh ("Ayaks")
Ushbu futbolchi zamonaviy futbol talabiga mos keladi. U sovuqqon, ijodkor, texnikasi joyida va universal futbolchi.
Yarim himoyachi: Ussem Auar, 20 yosh ("Lion")
Guruh bosqichida ko‘rsatgan o‘yinlari orqali uni "yangi Inyesta" deb atay boshlashdi.
Yarim himoyachi: Artur, 22 yosh ("Barselona")
"Ushbu o‘yinchiga qarab turib, "Barselona"ning yangi davra boshlanayotganiga ishonch hosil qilish mumkin". Xavining so‘zlari ko‘p narsadan darak berib turibdi.
Yarim himoyachi: Nikola Vlashich, 21 yosh (SSKA)
"Everton"dan ijara asosida Moskvaga kelgan Vlashich tezda SSKa yetakchisiga aylandi. U guruh bosqichida 3ta gol urdi va ikkita golga uzatma berdi.
Hujumchi: Chengiz Under, 21 yosh ("Roma")
Futbolchi YECHLning o‘tgan mavsumida "Roma" bilan yarim finalgacha yetib borgandi. Ushbu mavsumda u 3ta gol urdi. Under — chaqqon, ijodkor va chap oyoqda kuchli zarba bera oladi.
Hujumchi: Irving Losano, 23 yosh (PSV)
Jahon chempionatida o‘zini ko‘rsatgan meksikalik hujumchi, YECHL guruh bosqichida "Tottenxem" va "Inter" darvozasini ishg‘ol qildi.
Hujumchi: Jeydon Sancho, 18 ("Borussiya")
Futbolchi ushbu mavsumda "Borussiya" kashfiyotiga aylandi. Ayniqsa, "Monako"ga qarshi Dortmundda bo‘lib o‘tgan uchrashuvida u haqiqiy ma’noda porladi.
