УЕФА расмий сайти Европа чемпионлар лигаси гуруҳ босқичининг кашфиёт футболчилардан иборат рамзий терма жамоасини эълон қилди. Ўйинчиларни танлаб олишда иккита тамойилга амал қилинди. Биринчиси — футболчи 24 ёшдан катта бўлмаслиги керак. Иккинчиси — 2018 йилда Чемпионлар лигасида дебют қилган бўлиши керак.
Дарвозабон: Одиссеас Влаходимос, 24 ёш ("Бенфика")
Қийин гуруҳда ушбу посбон ажойиб сэйвлар билан ёдда қолди.
Ҳимоячи: Милан Шкриниар, 23 ёш ("Интер")
Ўйинни ажойиб ўқий олиш қобилиятига эга.
Ҳимоячи: Маттейс де Лихт, 19 ёш ("Аякс")
Де Лихта жаҳон даражасидаги марказий ҳимоячи. "Аякс" академияси тарбияланувчиси 19 ёш бўлишига қарамай, сардорлик боғичи унга топширилган.
Ҳимоячи: Энди Робертсон, 24 ёш ("Ливерпуль")
Февраль ойида Чемпионлар лигасида дебт қилган футболчи, май ойида финалда ўйнади.
Ярим ҳимоячи: Френки де Йонг, 21 ёш ("Аякс")
Ушбу футболчи замонавий футбол талабига мос келади. У совуққон, ижодкор, техникаси жойида ва универсал футболчи.
Ярим ҳимоячи: Уссем Ауар, 20 ёш ("Лион")
Гуруҳ босқичида кўрсатган ўйинлари орқали уни "янги Иньеста" деб атай бошлашди.
Ярим ҳимоячи: Артур, 22 ёш ("Барселона")
"Ушбу ўйинчига қараб туриб, "Барселона"нинг янги давра бошланаётганига ишонч ҳосил қилиш мумкин". Хавининг сўзлари кўп нарсадан дарак бериб турибди.
Ярим ҳимоячи: Никола Влашич, 21 ёш (ЦСКА)
"Эвертон"дан ижара асосида Москвага келган Влашич тезда ЦСКа етакчисига айланди. У гуруҳ босқичида 3та гол урди ва иккита голга узатма берди.
Ҳужумчи: Ченгиз Ундер, 21 ёш ("Рома")
Футболчи ЕЧЛнинг ўтган мавсумида "Рома" билан ярим финалгача етиб борганди. Ушбу мавсумда у 3та гол урди. Ундер — чаққон, ижодкор ва чап оёқда кучли зарба бера олади.
Ҳужумчи: Ирвинг Лосано, 23 ёш (ПСВ)
Жаҳон чемпионатида ўзини кўрсатган мексикалик ҳужумчи, ЕЧЛ гуруҳ босқичида "Тоттенхэм" ва "Интер" дарвозасини ишғол қилди.
Ҳужумчи: Жейдон Санчо, 18 ("Боруссия")
Футболчи ушбу мавсумда "Боруссия" кашфиётига айланди. Айниқса, "Монако"га қарши Дортмундда бўлиб ўтган учрашувида у ҳақиқий маънода порлади.
