“Bunyodkor” klubi bosh murabbiyi Mirjalol Qosimov faoliyatini Olmaliqning AGMK klubida davom ettiradi. Bu haqda Stadion.uz internet nashrining ishonchli manbalari tasdiqlamoqda.
Unga ko‘ra, Mirjalol Qosimov AGMK rahbariyati bilan kelishuvga erishgan va klubni boshqarishga roziligini aytgan.
Ma’lumki, AGMK klubiga Osiyo chempionlar ligasining guruh bosqichiga chiqish vazifasi qo‘yilgan bo‘lib, shu sababdan Olmaliqga “Bunyodkor”dan ayrim futbolchilar ham kelishi mumkin.
Qiziqarlisi, klub rahbariyatini “Bunyodkor” vakillari qo‘lga olishi mumkin. Mirjalol Qosimov o‘zi bilan birga murabbiylar shtabiga “Bunyodkor” mutaxassislarini olib kelishi mumkin degan ehtimollar mavjud.
