“Бунёдкор” клуби бош мураббийи Миржалол Қосимов фаолиятини Олмалиқнинг АГМК клубида давом эттиради. Бу ҳақда Stadion.uz интернет нашрининг ишончли манбалари тасдиқламоқда.

Унга кўра, Миржалол Қосимов АГМК раҳбарияти билан келишувга эришган ва клубни бошқаришга розилигини айтган.

Маълумки, АГМК клубига Осиё чемпионлар лигасининг гуруҳ босқичига чиқиш вазифаси қўйилган бўлиб, шу сабабдан Олмалиқга “Бунёдкор”дан айрим футболчилар ҳам келиши мумкин.

Қизиқарлиси, клуб раҳбариятини “Бунёдкор” вакиллари қўлга олиши мумкин. Миржалол Қосимов ўзи билан бирга мураббийлар штабига “Бунёдкор” мутахассисларини олиб келиши мумкин деган эҳтимоллар мавжуд.