Angliya terma jamoasi «Tottenhem» hujumchisi Harri Keyn Britaniya imperiyasi ordeni bilan mukofotlanadi, deb yozadi Mirror.
Manba ma’lumotiga ko‘ra, mukofot 25 yoshli futbolchiga Angliya terma jamoasi safida JCH-2018da ko‘rsatgan o‘yinlari uchun topshiriladi. Orden taqdim etilishi haqida rasman kelasi hafta ma’lum qilinishi kutilmoqda.
Eslatib o‘tamiz, Keyn Rossiyadagi mundialda Angliya termasi bilan yarimfinalga qadar yetib borgan edi. Final ostonasida Xorvatiyadan yengilgan (1:2) jamoa uchinchi o‘rin uchun kurashda Belgiya termasiga imkoniyatni boy bergan edi (0:2).
JCHda Keyn eng yaxshi to‘purar bo‘ldi, Angliya terma jamoasi esa oxirgi 30 yildagi eng yaxshi natijasini qayd etdi.