Aksariyat jamoalar ortda qolgan mavsumdan so‘ng biroz hordiq chiqargan holda allaqachon yangi mavsum uchun tayyorgarlik jarayonini boshlab yuborishdi.

O‘tgan mavsumda Pro-ligada ancha mazmunli o‘yin namoyish etgan Farg‘onaning “Istiqlol” klubi ayni paytda ilk yig‘inni boshlab yuborgan. Farg‘onaliklar 20 dekabr kuni yig‘ilishdi va “Istiqlol” stadioni hududidagi sun’iy qoplamali maydonda mashg‘ulotlar olib borishmoqda. Jamoa 28 dekabrga qadar shug‘ullanadi va so‘ngra Yangi yil bayrami munosabati bilan futbolchilarga qisqa ta’til beriladi. 

So‘ngra jamoa yanvar oyida yana Farg‘onada to‘planadi va 2 haftalik yig‘in o‘tkazadi. 27 yanvar – 8 fevral oralig‘ida “Istiqlol” Farg‘ona viloyati hokimi kubogida ishtirok etishni rejalashtirgan.