Аксарият жамоалар ортда қолган мавсумдан сўнг бироз ҳордиқ чиқарган ҳолда аллақачон янги мавсум учун тайёргарлик жараёнини бошлаб юборишди.

Ўтган мавсумда Про-лигада анча мазмунли ўйин намойиш этган Фарғонанинг “Истиқлол” клуби айни пайтда илк йиғинни бошлаб юборган. Фарғоналиклар 20 декабрь куни йиғилишди ва “Истиқлол” стадиони ҳудудидаги сунъий қопламали майдонда машғулотлар олиб боришмоқда. Жамоа 28 декабрга қадар шуғулланади ва сўнгра Янги йил байрами муносабати билан футболчиларга қисқа таътил берилади. 

Сўнгра жамоа январь ойида яна Фарғонада тўпланади ва 2 ҳафталик йиғин ўтказади. 27 январь – 8 февраль оралиғида “Истиқлол” Фарғона вилояти ҳокими кубогида иштирок этишни режалаштирган.