Xabaringiz bor, Milliy olimpiya qo‘mitasi Respublika bo‘ylab keng ko‘lamdagi seleksiya ishlarini olib bormoqda. Bu yo‘lda navbatdagi musobaqa 24-25 dekabr kunlari Toshkent shahrida yengil atletika bo‘yicha o‘tkazildi. Asosiy maqsad – yurtimizning chekka-chekka hududlaridagi iqtidorlarni sinab ko‘rib, ularni terma jamoaga jalb etish va kelajakda Olimpiya o‘yinlari, Osiyo va jahon chempionatlarida yurtimiz bayrog‘ini yuksaklarga ko‘tarishdan iboratdir.

Shuningdek, yengil atletika bo‘yicha O‘zbekiston terma jamoasining Tokio Olimpiadasi lisenziyasini qo‘lga kiritish uchun da’vogar sportchilar maxsus sinovdan o‘tkazildi. Unga ko‘ra, sportchilar ko‘pkurash bo‘yicha normativ topshirdilar. Ushbu sinovlar atletlarimizning jismoniy holatini kuchaytirish, ularni chidamliligini oshirish maqsadida tashkil etildi.