Angliyaning “Liverpul” klubi himoyachisi Deyan Lovren “Nyukasl”ga qarshi kechgan bahsdan keyin fikrlari bilan o‘rtoqlashdi.
“Biz faqatgina o‘yindan o‘yinga o‘ynab boryapmiz. Har bir o‘yin biz uchun final.
Birinchi bo‘lim biroz qiyin kechdi, “Nyukasl”ga gol urish oson emas, ammo biz sabr qildik va o‘z mahoratimizni namoyish qildik.
Shunday o‘ynashda davom etishimiz kerak va kelgusi o‘yinlar natijasiga ko‘ra qayerda ekanligimizni ko‘ra olamiz. Hozir barcha o‘yin muhim.
Bu biz uchun va muxlislar uchun ijobiy kun edi. Endi “Arsenal” bilan ham xuddi shunday o‘ynash kerak”, -deydi Lovren.
