“Shaxtyor” “Benfika” yarim himoyachisi Tiagu Dantashga qiziqish bildirmoqda deb xabar beradi A Bola.

Manbaning xabar berishicha, Ukraina klubi Dantashning “Benfika” bilan tuzgan shartnomasi tugashiga yarim qolganidan foydalanib olmoqchi.

Dantash Portugaliya klubi bilan shartnomasini uzaytirishni istamasa “Shaxtyor” uni qo‘lga kiritmoqchi. Shuningdek, Tiaguga “Manchester Siti” ham jiddiy tarzda qiziqish bildirmoqda.

17 yoshli futbolchi hozircha, “Benfika”ning asosiy jamoasida o‘ynashga ulgurmadi. Joriy mavsum esa u yoshlar jamoasida 18 ta o‘yinda maydonga tushib 3 ta gol urdi.