Bugun tavallud ayyomini nishonlayotgan Fozil Musayev O‘FA Matbuot xizmatiga Birlashgan Arab Amirliklaridagi birinchi kun mashg‘ulotlari haqida o‘z fikrlarini bildirib o‘tdi.

“Birinchi kun ajoyib o‘tdi. Parvoz bir oz toliqtirganiga qaramay, hamma yaxshi kayfiyatda. Bizga yaratligan barcha sharoitlar a’lo darajada. Ayniqsa, bunday ob-havoda futbol o‘ynash juda qulay. Haddan ziyod issiq ham emas, sovuq ham emas.

Mashg‘ulotlarda mazza qilib harakat qildik. Birinchi kun mashg‘ulotlari odatda yengil tarzda o‘tadi. Terma jamoada ajoyib muhit hukmron.

Barcha bir-birini qo‘llab-quvvatlamoqda. Futbolchilarning ishtiyoqi nihoyatda baland, barcha kurashga tayyor. Maydonga faqat g‘alaba uchun tushamiz”, - deya aytib o‘tgan Fozil Musayev.

Ma’lumot o‘rnida, Fozil Musayev bugun 30 yoshga to‘ldi.