Xabaringiz bor, aholining dam olish kunlari va yoshlarning ta’til paytidagi vaqtlarini mazmunli o‘tkazish maqsadida 2018 yil 25 dekabrdan boshlab, Toshkent shahrining barcha tumanlaridagi ta’lim muassasalaridagi mavjud sport inshootlarida basketbol, badminton, voleybol, stol tennisi va mini-futbol sport turlari bo‘yicha “O‘zbekiston Respublikasi Jismoniy tarbiya va sport vaziri kubogi” sport musobaqalari o‘tkazilmoqda.

Shu kunlarda ushbu sport musobaqalarining tuman saralash bosqichlari bo‘lib o‘tmoqda. Musobaqaning dastlabki bosqichlarida 18 ming nafardan ziyod poytaxtliklar ishtirok etib, ular orasidan eng yaxshi natija ko‘rsatgan jamoalarning a’zolari jami 1000 nafardan ortiq sport ixlosmandlari yakuniy shahar bosqichida o‘zaro bellashadilar.

Musobaqalarning asosiy shahar bosqichlari quyidagi sport inshootlarida tashkil etilmoqda:

basketbol bo‘yicha sport musobaqalari 6-9 yanvar kunlari Uchtepa tumanidagi Yengil atletika va sport o‘yinlariga ixtisoslashgan bolalar-o‘smirlar sport maktabi bazasi hamda 193-sonli umumta’lim maktabi sport zalida;

voleybol bo‘yicha sport musobaqalari 6-9 yanvar kunlari Olmazor tumani 1-sonli bolalar-o‘smirlar sport maktabi hamda 224-sonli umumta’lim maktabi sport zalida;

badminton bo‘yicha sport musobaqalari 7-8 yanvar kunlari Shayxontohur tumani “Chorsu” sport majmuasida;

stol tennisi bo‘yicha sport musobaqalari 8-9 yanvar kunlari Shayxontohur tumanidagi 19-sonli umumta’lim maktabi sport zalida;

mini-futbol bo‘yicha sport musobaqalari 6-10 yanvar kuni Olmazor tumani 2-sonli bolalar-o‘smirlar sport maktabi sport zalida o‘tkaziladi.

G‘olib va sovrindorlarni taqdirlash marosimi joriy yilning 10 yanvar kuni Olmazor tumanidagi 2-sonli bolalar-o‘smirlar sport maktabida o‘tkazilishi rejalashtirilgan.