Osiyo futbol konfederasiyasining rasmiy saytida mana shunday sarlavha bilan O‘zbekiston milliy jamoasi haqida material e’lon qilindi. Ushbu maqola bilan tanishtirib o‘tamiz.

Osiyoning eng katta musobaqasi boshlanishi oldidan O‘zbekiston terma jamoasi tayyorgarlikka jiddiy e’tibor qaratmoqda. Futbolchilar 9 yanvar kuni Ummonga qarshi bo‘ladigan dastlabki o‘yinni intizorlik bilan kutishmoqda.

"Musobaqaning boshlanishini intizorlik bilan kutyapmiz. Biz turnirga jiddiy tayyorgarlik ko‘rdik va mashg‘ulotlarda tezkor hujumlarga e’tibor qaratdik", — dedi Anzur Ismoilov OFK rasmiy saytiga bergan intervyusida.

Ismoilov Osiyo kubogiga tashrif buyurgan 23 nafar futbolchi orasida O‘zbekiston termasi safida o‘yin o‘tkazish bo‘yicha ikkinchi ko‘rsatkichga ega. Anzur 93ta o‘yinda maydonga tushib, 2ta gol urgan.

Ektor Kuper boshchiligidagi O‘zbekiston terma jamoasi o‘zining Osiyo kuboklaridagi eng yaxshi natijasini yangilashga harakat qiladi. "Oq bo‘rilar" Qatar-2011da 4-o‘rinni band etishgandi.

O‘zbekiston Osiyo kubogi-2019ning 2-turini 13 yanvar kuni Turkmaniston, 3-turini 17 yanvar kuni Yaponiyaga qarshi o‘tkazadi.