Osiyo Kubogi guruh bosqichi doirasida O‘zbekiston MTJ - Ummon MTJ o‘yini (2:1) yakuniga yetgandan so‘ng raqib jamoa bosh murabbiyi Pim Verbek matbuot anjumanida ishtirok etdi.

"O‘ylaymanki birinchi bo‘limda biz yaxshiroq natija qayd etishimiz kerak edi. Ammo raqib darvozaboni ajoyib o‘yin namoyish qildi. Boz ustiga O‘zbekiston terma jamoasi ham jarima zarbasidan gol urishga muvaffaq bo‘ldi. O‘yin tomonlama biz aslo qolishganimiz yo‘q. Bu o‘yinda hech bo‘lmasa bir ochkoga haqli edik.

Endi guruhdagi holat biz uchun qiyinlashishi turgan gap. Chunki oldinda bizni Yaponiyadek raqib kutib turibdi. Ammo biz har bir o‘yinda ochko olish uchun o‘ynaymiz.

Ektor Kuper Ummonni yaxshi o‘rgangani aniq. Ummon birinchi bo‘limda ham, ikkinchi bo‘limda ham o‘yinni nazorat qildi, ammo mag‘lubiyatga uchradi. Nima uchun?

Futbol - oxirigacha o‘ynaladigan o‘yin. Jamoadagi har bir futbolchi oxiriga qadar kurashishi shart. Biz bu ishni bajara olmadik. O‘zbekistonni yengish uchun ko‘proq professional jihatlarga ega bo‘lib, jismonan ko‘proq tayyor bo‘lishimiz shart edi", - deydi mutaxassis.