Kecha, 11 yanvar kuni O‘zbekiston terma jamoa Dubay shahrida Turkmanistonga qarshi o‘yin oldidan ikkinchi mashg‘ulotini o‘tkazdi. Terma jamoaning mashg‘uloti shahardagi “Dubai Police Officers Club” stadionida bo‘lib o‘tdi.
Mashg‘ulotlarda BAAga terma jamoa safida kelgan barcha futbolchilar ishtirok etdi. OAV vakillari uchun mashg‘ulotning dastlabki 15 daqiqasi ochiq bo‘ldi.
Bosh murabbiy Ektor Kuperning yordamchilari ushbu jarayonni boshlab berishdi. Kuperning o‘zi esa jarayonni jiddiy nazar bilan chetdan kuzatib turdi.
Futbolchilarning kayfiyati a’lo darajada bo‘lib, birinchi o‘yindagi g‘alaba xursandchiligi ularni tark etmaganiga guvoh bo‘ldik.
Mashg‘ulotlarning yopiq qismini ham stadiondan kuzatib shunga amin bo‘ldikki, terma jamoa futbolchilari bugun jiddiy sinovlardan o‘tish bilan birga mashg‘ulotlarda sidqidildan ishlashdi.
E’tiboringizga terma jamoaning navbatdagi mashg‘ulotlaridan fotoreportajni havola qilamiz. Quyidagi fotoreportaj o‘z ichiga 40 ta suratni jamlagan bo‘lib, sifatli hamda yoqimli kadrlarni bizga axborot hamkorimiz “WorldNews” nashri taqdim etdi.
Aytgancha, mashg‘ulotlar yakunlangandan so‘ng, Dubayda joylashgan “Crowne Plaza” mehmonxonasida o‘zbekona tadbir tashkil etildi. Bu haqda keyingi postni o‘qing.
Dubay shahridan maxsus
