Bilasiz, ayni damda barcha jamoalar yangi mavsum hozirliklarini boshlab yuborishgan.
Ayrim klublar allaqachon sinov-nazorat uchrashuvlari ham o‘tkazishmoqda. Jumladan, Toshkentda yig‘inga kirishgan “Andijon” bugun yig‘in doirasidagi ilk nazorat o‘yinini o‘tkazdi.
Unda “burgutlar” jamoasiga Bekobodning “Metallurg” klubi raqiblik qildi. Qibrayda bo‘lib o‘tgan bahsda bekobodliklarning qo‘li baland keldi – 1:0.
O‘yin taqdirini hal etgan yagona golga Stanislav Andreev mualliflik qildi.
Nazorat uchrashuvi.
«Metallurg» - «Andijon» 1:0
Gol: Stanislav Andreev.
