"Manchester Yunayted" klubi yarim himoyachisi Pol Pogba jamoaning yangi ustozi Ole-Gunnar Sulsherning o‘yin uslubi haqida gapirib o‘tdi.

"Men futboldan zavq olmoqdaman. Mourinyu davrida bu qiyin edi, uning taktikasi bunga yo‘l qo‘ymasdi. Menga hujum qilish, pressingda o‘ynash yoqadi. Ortimda Matich va Errera kabi futbolchilar bor, shu sabab men erkinlikni his qilmoqdaman.

Himoyadagi o‘yin – mening kuchli tomonim emas, garchi ba’zi holatlarda bunday o‘ynay olsamda. Men hozirda harakatlanayotgan chizig‘imda yigitlar bilan bir-birimizni yaxshi tushunamiz. Bu pozisiya menga ko‘proq to‘g‘ri kelishini his etmoqdaman.

"Tottenxem" ustidan qozonilgan g‘alaba juda muhim edi. Bu katta sinov bo‘ldi. Ochko ularga ham, bizga ham kerak edi, shunday ekan g‘alabadan g‘ururdamiz.

Bizning maqsad – kuchli to‘rtlik. Uning uchun kurashda davom etamiz", – deydi Pogba.