"Манчестер Юнайтед" клуби ярим ҳимоячиси Поль Погба жамоанинг янги устози Оле-Гуннар Сульшернинг ўйин услуби ҳақида гапириб ўтди.

"Мен футболдан завқ олмоқдаман. Моуринью даврида бу қийин эди, унинг тактикаси бунга йўл қўймасди. Менга ҳужум қилиш, прессингда ўйнаш ёқади. Ортимда Матич ва Эррера каби футболчилар бор, шу сабаб мен эркинликни ҳис қилмоқдаман.

Ҳимоядаги ўйин – менинг кучли томоним эмас, гарчи баъзи ҳолатларда бундай ўйнай олсамда. Мен ҳозирда ҳаракатланаётган чизиғимда йигитлар билан бир-биримизни яхши тушунамиз. Бу позиция менга кўпроқ тўғри келишини ҳис этмоқдаман.

"Тоттенхэм" устидан қозонилган ғалаба жуда муҳим эди. Бу катта синов бўлди. Очко уларга ҳам, бизга ҳам керак эди, шундай экан ғалабадан ғурурдамиз.

Бизнинг мақсад – кучли тўртлик. Унинг учун курашда давом этамиз", – дейди Погба.