Osiyo Kubogidan o‘rin olgan O‘zbekiston - Yaponiya uchrashuvidan keyingi matbuot anjumani boshlandi. Terma jamoamiz bosh murabbiyi Ektor Kuper dastlab o‘yin haqidagi o‘z fikrlarini bildirib o‘tdi.

Avstraliya terma jamoasi tiklanish uchun bizga qaraganda ikki kun ko‘proq vaqtga ega bo‘ladi. Ammo men bu holat ahamiyatli deb hisoblamayman. Biz kuchli o‘yin namoyish qilishimiz kerak. Tarkibdagi barcha futbolchilar Avstraliyaga qarshi o‘yingacha yaxshi holatda bo‘lishadi. Biz g‘alaba uchun barcha harakatni amalga oshiramiz.

Tarkibdagi barcha futbolchilar professional. Yaponiyaga qarshi o‘yindagi mag‘lubiyat bizni tushkunlikka tushira olmaydi. Biz Avstraliyaga qarshi yaxshi tayyorlanamiz. Agar bitta mag‘lubiyatdan keyin jamoaning o‘ziga bo‘lgan ishonchi yo‘qolib qolaversa, bu jamoa professional emas. Biz keyingi bosqich masalasini hal qilib bo‘lganmiz. Shu sababli bu mag‘lubiyatdan fojea yasash kerak emas.

Yaponiyaga qarshi tengma-teng o‘ynadik. Yana qaytaraman, men o‘yindan qoniqish hosil qildik. Faqat ba’zi omillar evaziga biz bugun mag‘lub bo‘ldik. Ammo jamoaning o‘yini kuchayib borayotganidan xursandman.

Chap qanotimiz haqida gapiradigan bo‘lsak, bugun bu qanotimiz yomon o‘ynadi, degan fikrga qo‘shilmayman. Tarkibdagi barcha futbolchilar yaxshi o‘ynashdi. Ushbu qanotdan o‘ynashga tarkibdagi barcha futbolchilarimiz loyiq. Albatta, xato va kamchiliklar bo‘ldi. Bu kamchiliklar ustida ishlashga harakat qilamiz.”,- deydi Kuper.