Осиё Кубогидан ўрин олган Ўзбекистон - Япония учрашувидан кейинги матбуот анжумани бошланди. Терма жамоамиз бош мураббийи Эктор Купер дастлаб ўйин ҳақидаги ўз фикрларини билдириб ўтди.

Австралия терма жамоаси тикланиш учун бизга қараганда икки кун кўпроқ вақтга эга бўлади. Аммо мен бу ҳолат аҳамиятли деб ҳисобламайман. Биз кучли ўйин намойиш қилишимиз керак. Таркибдаги барча футболчилар Австралияга қарши ўйингача яхши ҳолатда бўлишади. Биз ғалаба учун барча ҳаракатни амалга оширамиз.

Таркибдаги барча футболчилар профессионал. Японияга қарши ўйиндаги мағлубият бизни тушкунликка тушира олмайди. Биз Австралияга қарши яхши тайёрланамиз. Агар битта мағлубиятдан кейин жамоанинг ўзига бўлган ишончи йўқолиб қолаверса, бу жамоа профессионал эмас. Биз кейинги босқич масаласини ҳал қилиб бўлганмиз. Шу сабабли бу мағлубиятдан фожеа ясаш керак эмас.

Японияга қарши тенгма-тенг ўйнадик. Яна қайтараман, мен ўйиндан қониқиш ҳосил қилдик. Фақат баъзи омиллар эвазига биз бугун мағлуб бўлдик. Аммо жамоанинг ўйини кучайиб бораётганидан хурсандман.

Чап қанотимиз ҳақида гапирадиган бўлсак, бугун бу қанотимиз ёмон ўйнади, деган фикрга қўшилмайман. Таркибдаги барча футболчилар яхши ўйнашди. Ушбу қанотдан ўйнашга таркибдаги барча футболчиларимиз лойиқ. Албатта, хато ва камчиликлар бўлди. Бу камчиликлар устида ишлашга ҳаракат қиламиз.”,- дейди Купер.