PFL sayti AGMK Chempionlar ligasi uchun olib kelgan 30 futbolchidan 29 nafarining nomini oshkor qildi. Qolib ketgan futbolchi bu — Jasur Hakimov.
Sababi Hakimov bungacha “Paxtakor”ga tegishli bo‘lgan. Demak, AGMK bu futbolchining “Paxtakor” bilan kelishuvi bekor bo‘lgani haqidagi hujjatni taqdim etishi yoki uning transferi qanchaga aylangani borasida ma’lumotni ochiqlashi kerak.
Xususiy klub sifatida “Paxtakor” o‘z futbolchisidan voz kechishi mumkin. Biroq davlat korxonasiga tegishli bo‘lgan klublar bunday qila olmaydi (Masalan, AGMK “Paxtakor”ga o‘z futbolchisini bunday qo‘yib yubora olmaydi). Ular eng kamida futbolchi uchun sarf etilgan 1 yillik puldan 1 so‘m bo‘lsa-da ko‘pini qo‘lga kiritganini PFLga isbotlab berishi kerak. Klublar ishlab topayotgan bu pul PFL uchun muhim. Yo‘qsa, bu pullar klubga tushmay, kimlarningdir cho‘ntagiga kirib ketishi ham mumkin.
P.S. Bu AGMKning oxirgi ro‘yxati emas. Futbolchilardan ayrimlari klubni tark etishi ham mumkin. Klub ixtiyorida ro‘yxatdagilardan 5 nafarini o‘zgartirish uchun kvota bo‘ladi.
