«Arsenal» bosh murabbiyi Unai Emeri Angliya kubogi doirasida bo‘lib o‘tadigan «Manchester Yunayted»ga qarshi o‘yin oldidan o‘z fikrlarini bildirib o‘tdi.

«Hozirgi «MYU» – boshqacha jamoa. Ha, futbolchilar o‘sha-o‘sha, ammo ular katta ishtiyoq bilan o‘ynashmoqda. Ularning so‘nggi o‘yinlarini ko‘rib chiqdim. Jamoa kuchli o‘yin ko‘rsatmoqda, har bir futbolchida o‘ziga bo‘lgan ishonch yuqori. Endi ular juda xavfli. Bu yaxshi. Boisi, «Arsenal» jiddiy sinovdan o‘tadi.

«Manchester Yunayted» va «Arsenal» Angliya kubogi 20 marta finalda ishtirok etishgan. Biz 13 marta sovrinni qo‘lga kiritgan bo‘lsa, raqibimiz 12 marta g‘olib chiqqan. Musobaqa uchun bu eng yaxshi o‘yin bo‘ladi. Muxlislarimiz qarshisida o‘tadigan mazkur bahsni intizorlik bilan kutyapmiz.

«Arsenal» o‘z uyini juda yaxshi his qiladi. Muxlislar 90 daqiqa davomida ajoyib muhitni yuzaga keltirishadi», – dedi Emeri.