Toshkentda o‘quv-mashg‘ulot yig‘inini o‘tkazayotgan “Qizilqum” futbolchilari bugun yig‘in doirasida uchinchi nazorat uchrashuvida maydonga chiqishdi.
“Qizilqum” matbuot xizmatining ma’lumot berishicha, jamoaning bu galgi raqibii Baxtiyor Ashurmatov boshchiligidagi “Buxoro” jamoasi bo‘ldi.
“Chig‘atoy” sport bazasi sun’iy qoplamali maydonda o‘tkazilgan bellashuvda navoiyliklar yig‘in davomidagi uchinchi g‘alabani tantana qilishdi.
“Qizilqum” futbolchilari ushbu o‘yin bilan Toshkentdagi ilk yig‘inga yakun yasashdi. Yig‘in davomida navoiyliklar uchta nazorat uchrashuvini o‘tkazishib, ularning barchasida (“Qizilqum” – “Qo‘qon-1912” 3:2, “Qizilqum” – “Bunyodkor” 3:1, “Qizilqum” – “Buxoro” 2:1) g‘oliblikka erishishdi.
Qisqa tanaffusdan keyin jamoaning yig‘ini Navoiy shahrida davom ettiriladi. Fevral oyida esa Turkiyada o‘quv-mashg‘ulot yig‘inini o‘tkazish rejalashtirilgan.
