Тошкентда ўқув-машғулот йиғинини ўтказаётган “Қизилқум” футболчилари бугун йиғин доирасида учинчи назорат учрашувида майдонга чиқишди.

“Қизилқум” матбуот хизматининг маълумот беришича, жамоанинг бу галги рақибии Бахтиёр Ашурматов бошчилигидаги “Бухоро” жамоаси бўлди.

“Чиғатой” спорт базаси сунъий қопламали майдонда ўтказилган беллашувда навоийликлар йиғин давомидаги учинчи ғалабани тантана қилишди.

 “Қизилқум” футболчилари ушбу ўйин билан Тошкентдаги илк йиғинга якун ясашди. Йиғин давомида навоийликлар учта назорат учрашувини ўтказишиб, уларнинг барчасида (“Қизилқум” – “Қўқон-1912” 3:2, “Қизилқум” – “Бунёдкор” 3:1, “Қизилқум” – “Бухоро” 2:1) ғолибликка эришишди.

Қисқа танаффусдан кейин жамоанинг йиғини Навоий шаҳрида давом эттирилади. Февраль ойида эса Туркияда ўқув-машғулот йиғинини ўтказиш режалаштирилган.