Namanganning “Navbahor” futbol klubi prezidenti Shavkat Abdurazzoqovning buyrug‘iga asosan klubga yangi vise-prezident tayinlandi. Bu haqda FK Muxlis kanali ma’lum qildi.
“Namangan viloyat futbol assosiasiyasi vise-prezidenti lavozimida faoliyat yuritayotgan Shamshod Ergashovich Sarikov endilikda “Navbahor” futbol klubi vise-prezidenti sifatida ham faoliyat olib boradi.
Yangi vise-prezident zimmasiga sovrinli o‘rinlar uchun kurasha oladigan va raqobatbardosh tarkibni shakllantirish vazifasi yuklatildi.
Shamshod Ergashovichga mas’uliyatli vazifalarda omad va zafarlar yor bo‘lishiga tilak bildirib qolamiz”, deyiladi FK Muxlis bergan xabarda.
