Наманганнинг “Навбаҳор” футбол клуби президенти Шавкат Абдураззоқовнинг буйруғига асосан клубга янги вице-президент тайинланди. Бу ҳақда ФК Мухлис канали маълум қилди.
“Наманган вилоят футбол ассоциацияси вице-президенти лавозимида фаолият юритаётган Шамшод Эргашович Сариков эндиликда “Навбаҳор” футбол клуби вице-президенти сифатида ҳам фаолият олиб боради.
Янги вице-президент зиммасига совринли ўринлар учун кураша оладиган ва рақобатбардош таркибни шакллантириш вазифаси юклатилди.
Шамшод Эргашовичга масъулиятли вазифаларда омад ва зафарлар ёр бўлишига тилак билдириб қоламиз”, дейилади ФК Мухлис берган хабарда.
