Italiya chempionatining 21-turi doirasidagi markaziy o‘yin "San-Siro"da bo‘lib o‘tdi. Mazkur stadion Karlo Anchelotti uchun omadli chiqmayapti. Boisi, neapolliklar dekabr oyi so‘ngida "Inter"ga yutqazgan bo‘lsalar, endi "Milan" bilan durangga imzo chekishdi.

O‘yin davomida to‘p nazorati mehmonlar tomonida bo‘lgan bo‘lsa, Gattuzo shogirdlari ishonchli himoyalanishdi. Imkon bo‘lishi bilan "rossoneri" qarshi hujumlar tashkil qildi. A Seriya to‘purarlaridan biri Pyontek zaxiradan maydonga tushib, "Milan" safida debyut o‘yinida ishtirok etdi.

O‘yinda hisob ochilmadi va har ikkala jamoa 2 ochkodan mahrum bo‘lishdi. "Yuventus" bugun "Lasio" maydonida g‘alaba qozonsa, "Napoli"dan 11 ochkoga ilgarilab ketadi.

Italiya A seriyasi, 21-tur
Sampdoriya – Udineze 4:0 (1:0, 3:0)
Gollar: 1:0 – 33, penalti Kualyarella, 2:0 – 56, penalti Kualyarella, 3:0 – 68 Linetti, 4:0 – 78 Gabbyadini.
Sampdoriya – Audero, Bereshinski, Andersen, Kolli, Murru (Junior Tavares, 77), Prat, Ekdal, Linetti, Saponara, Defrel (Gabbyadini, 74), Kualyarella (Kovnaski, 85).
Udineze – Musso, Opoku (Zegelar, 77), Trost-Ekong, Nyuytink, Larsen, Bexrami (Pussetto, 42), Mandragora, Fofana, D'Alessandro, de Paul, Okaka Chuka (Lazanya, 76).
Ogohlantirishlar: Prat (37), Nyuytink (53), Opoku (55), Audero (59), Okaka Chuka (60), Mandragora (70).
 
Milan – Napoli 0:0 (0:0, 0:0)
Milan – Donnarumma, Kalabriya, Musakkyo, Romanyoli, Rodriges, Kessie, Bakayoko, Lukas Paketa (Borini, 69), Suso, Kutrone (Pentek, 71), Chalxanoglu (Laksalt, 90).
Napoli – Ospina, Malkyui, Albiol, Kulibali, Mariu Ruy (Gulyam, 72), Kalyexon, Fabian Ruis, Zelinski, Insinye (Una, 88), Mertens (Verdi, 80), Milik.
Ogohlantirishlar: Kutrone (17), Fabian Ruis (18), Albiol (86).
Chetlatish: Fabian Ruis (90).