Италия чемпионатининг 21-тури доирасидаги марказий ўйин "Сан-Сиро"да бўлиб ўтди. Мазкур стадион Карло Анчелотти учун омадли чиқмаяпти. Боиси, неаполликлар декабрь ойи сўнгида "Интер"га ютқазган бўлсалар, энди "Милан" билан дурангга имзо чекишди.

Ўйин давомида тўп назорати меҳмонлар томонида бўлган бўлса, Гаттузо шогирдлари ишончли ҳимояланишди. Имкон бўлиши билан "россонери" қарши ҳужумлар ташкил қилди. А Серия тўпурарларидан бири Пёнтек захирадан майдонга тушиб, "Милан" сафида дебют ўйинида иштирок этди.

Ўйинда ҳисоб очилмади ва ҳар иккала жамоа 2 очкодан маҳрум бўлишди. "Ювентус" бугун "Лацио" майдонида ғалаба қозонса, "Наполи"дан 11 очкога илгарилаб кетади.

Италия А серияси, 21-тур
Сампдория – Удинезе 4:0 (1:0, 3:0)
Голлар: 1:0 – 33, пенальти Куальярелла, 2:0 – 56, пенальти Куальярелла, 3:0 – 68 Линетти, 4:0 – 78 Габбьядини.
Сампдория – Аудеро, Берешиньски, Андерсен, Колли, Мурру (Жуниор Таварес, 77), Прат, Экдаль, Линетти, Сапонара, Дефрель (Габбьядини, 74), Куальярелла (Ковнацки, 85).
Удинезе – Муссо, Опоку (Зегелар, 77), Трост-Эконг, Нюйтинк, Ларсен, Бехрами (Пуссетто, 42), Мандрагора, Фофана, Д'Алессандро, де Пауль, Окака Чука (Лазанья, 76).
Огоҳлантиришлар: Прат (37), Нюйтинк (53), Опоку (55), Аудеро (59), Окака Чука (60), Мандрагора (70).
 
Милан – Наполи 0:0 (0:0, 0:0)
Милан – Доннарумма, Калабрия, Мусаккьо, Романьоли, Родригес, Кессиэ, Бакайоко, Лукас Пакета (Борини, 69), Сусо, Кутроне (Пентек, 71), Чалханоглу (Лаксальт, 90).
Наполи – Оспина, Малькюи, Альбиоль, Кулибали, Мариу Руй (Гулям, 72), Кальехон, Фабиан Руис, Зелиньски, Инсинье (Уна, 88), Мертенс (Верди, 80), Милик.
Огоҳлантиришлар: Кутроне (17), Фабиан Руис (18), Альбиоль (86).
Четлатиш: Фабиан Руис (90).