Andijon viloyati hokimi Shuhratbek Abdurahmonov bugun «Sog‘lom avlod» stadionida navbatdan tashqari yig‘ilish o‘tkazib, yangi mavsumga olib borilayotgan tayyorgarlik ishlari bilan yaqindan tanishdi.
Viloyat hokimi mazkur yig‘ilishda “Andijon” futbol klubining vise-prezidenti Ma’rufjon Abdisalomov va bosh murabbiy Ildar Sakayev bilan ham suhbatlashib, jamoaning tayyorgarligi qanday ketayotgani, seleksiya ishlari xususida so‘radi hamda kerakli topshiriqlarni berdi.
Shuningdek, viloyat hokimi “Andijon” jamoasining mahalliy futbolchilari Bobur Akbarov, Ildar Mamatkazin, Ibrohim Otaxonov hamda Xushnud Avilov singari o‘yinchilar bilan ham uchrashib, suhbatlashdi va kerakli shart-sharoitlarni yaratib berishini aytib o‘tdi.
O‘z navbatida hokim “Andijon” jamoasiga qaratayotgan e’tiboridan futbolchilar va ishqibozlar mamnun bo‘layotganini bildirib o‘tishdi.
Viloyat hokimi “Andijon” jamoasining negizi bosqichma-bosqich mahalliy futbolchilardan iborat bo‘lishi muhimligini ta’kidlab o‘tdi.
"Andijon" matbuot xizmati.
