Андижон вилояти ҳокими Шуҳратбек Абдураҳмонов бугун «Соғлом авлод» стадионида навбатдан ташқари йиғилиш ўтказиб, янги мавсумга олиб борилаётган тайёргарлик ишлари билан яқиндан танишди.
Вилоят ҳокими мазкур йиғилишда “Андижон” футбол клубининг вице-президенти Маъруфжон Абдисаломов ва бош мураббий Илдар Сакаев билан ҳам суҳбатлашиб, жамоанинг тайёргарлиги қандай кетаётгани, селекция ишлари хусусида сўради ҳамда керакли топшириқларни берди.
Шунингдек, вилоят ҳокими “Андижон” жамоасининг маҳаллий футболчилари Бобур Акбаров, Илдар Маматказин, Иброҳим Отахонов ҳамда Хушнуд Авилов сингари ўйинчилар билан ҳам учрашиб, суҳбатлашди ва керакли шарт-шароитларни яратиб беришини айтиб ўтди.
Ўз навбатида ҳоким “Андижон” жамоасига қаратаётган эътиборидан футболчилар ва ишқибозлар мамнун бўлаётганини билдириб ўтишди.
Вилоят ҳокими “Андижон” жамоасининг негизи босқичма-босқич маҳаллий футболчилардан иборат бўлиши муҳимлигини таъкидлаб ўтди.
"Андижон" матбуот хизмати.
