«PSJ» hujumchisi Neymar kamida ikki oyga safdan chiqqani aniq bo‘ldi. 26 yoshli futbolchining o‘ng oyog‘ining beshinchi barmog‘i suyagi singani aniqlandi.
Hozircha "PSJ" klubi va Braziliya terma jamoasi shifokorlari futbolchining to‘liq tuzalishi uchun jarrohlik amaliyoti kerak bo‘ladimi yoki yo‘qmi — aniq bir qarorga kelishmadi. Tez orada bu borada yakuniy qarorga kelishadi. Odatda, bunday sinishni joyiga keltirish uchun operasiya talab etiladi. Agar Neymar jarrohlik stoliga yotsa, u mavsum oxirigacha maydonga qayta olmaydi.
Shu tariqa, futbolchi «PSJ»ning Yevropa chempionlar ligasining nimchorak final bosqichi doirasida kechadigan «Manchester Yunayted»ga qarshi bahslarda ishtirok eta olmaydi.
O‘tgan mavsumda Neymar xuddi shunday jarohat tufayli 3 oy maydon tashqarisida qolgandi, ammo u JCH-2018 boshlangunga qadar tiklanishga ulgurgandi.