Farg‘ona viloyati “Hokim Kubogi-2019” turniri start oldi.
29 yanvar kuni Qirgulidagi “Neftchi” SK stadionida 1-turdan o‘rin olgan “Neftchi” – “Turon” o‘yini o‘tkazildi. Unda Bahrom Haydarov bosh murabbiyligidagi “Neftchi” jamoasi 1:0 hisobida g‘alaba qozondi.
Yangi mavsum oldidan o‘tkazilayotgan qishki yig‘in chog‘ida “Neftchi” safida bir qator yangi futbolchilar ko‘rikdan o‘tmoqda. Farg‘onada boshlangan turnir yangi mavsumga tayyorgarlik vazifasini o‘tab berish bilan birgalikda, yig‘indagi yangi nomlarni sinovdan o‘tkazish imkonini beradi.
“Neftchi”: Farrux Turdaliyev, Dilyor Irmatov, Asilbek G‘oyibjonov, Doston Abdurahmon, Islom Toshpo‘latov, Igor Taran, Otabek Zokirov, Mirjamol Ne’matov, Shodiyor Xojimatov, Xurshidbek Asqaraliyev, Hamidullo Abduhamidov.
Zaxira: Shuxrat Raxmonov, Siroj Xamroyev, Abbos Shodmonov, Anvar Berdiyev, Idris Bikmaykin, Nodir Kamolov, Ilhom Voxobov, Shahzod Usmonov.
“Neftchi” matbuot xizmatining ma’lumot berishicha, jamoa keyingi uchrashuvni 31 yanvar kuni Qirgulida Andijonning “O‘zTongXo” jamoasiga qarshi o‘tkazadi. O‘yin soat 11:00da start oladi.
