Toshkentda yig‘in o‘tkazayotgan «Andijon» jamoasi seleksiya ishlarini jadal sur’atda olib bormoqda.
Himoya chizig‘idagi raqobatni yanada kuchaytirish maqsadida Bobur Omonov taklif etildi.
Mahoratli himoyachini muxlislar yaxshi bilishsa kerak bungacha asosan «Buxoro» jamoasida o‘ynab kelayotgandi. Bugun Omonov «burgutlar» bilan rasman kelishuvga erishdi va shu tariqa joriy mavsumni «Andijon»da o‘tkazadigan bo‘ldi.
29 yoshli futbolchi universal hisoblanib, mudofaa chizig‘ining istalgan chizig‘ida birdek o‘ynay oladi.
Ma’lumot uchun, Bobur Omonov o‘tgan mavsum «Buxoro» tarkibida 22ta o‘yin (jami 1915 daqiqa) o‘tkazib, 1ta gol va 4ta sariq kartochka qayd etgan.
Omonovga «Andijon»ga xush kelibsan deya, yangi mavsumda omad tilaymiz.
«Andijon» matbuot xizmati.
