15-17 fevral kunlari Toshkent shahrida Markaziy Osiyo qilichbozlik Konfederasiyasining dastlabki rasmiy musobaqasi bo‘lib o‘tadi. O‘smirlar va kadetlar o‘rtasida tashkil etiladigan I Ochiq chempionatda Afg‘oniston, Tojikiston, Turmaniston, Qirg‘iziston, Qozog‘iston va O‘zbekiston qilichbozlari sovrinli o‘rinlar uchun kurash olib boradi.
Bahslar qilichbozlikning har uchta yo‘nalishida tashkil etiladi va unda 150 nafardan ziyod sportchi qatnashadi.
Bellashuvlar O‘zbekiston gimnastika federasiyasiga qarashli «Universal» sport majmuasida bo‘lib o‘tadi.
Eslatib o‘tamiz, 2019 yil 25 yanvar kuni O‘zbekiston Respublikasi Adliya vazirligi Afg‘oniston, Tojikiston, Turkmaniston, Qozog‘iston, Qirg‘iziston, va O‘zbekiston qilichbozlik federasiyalarini birlashtiruvchi Markaziy Osiyo qilichbozlik Konfederasiyasini davlat ro‘yxatidan o‘tkazdi. Ushbu musobaqa Konfederasiya tomonidan tashkil etilayotgan dastlabki turnir hisoblanadi.
