Yangi mavsumda o‘z oldiga Superligaga chiqishni maqsad qilgan “Dinamo” jamoasi Toshkentda boshlagan 4-yig‘ini doirasida “Bunyodkor” jamoasiga qarshi nazorat bahsida maydonga tushdi.
“Bunyodkor” futbol akademiyasi o‘yingohida kechgan uchrashuvda “Dinamo” bosh murabbiyi Davron Fayziyev singari, “Bunyodkor” bosh murabbiyi Vadim Abramov ham bir qator futbolchilarni sinovdan o‘tkazdi. Uchrashuvni hujumkor boshlagan mezbonlar 8-daqiqada Vladislav Nuriyevning goli evaziga hisobni ochishdi, 1:0.
Bu goldan keyin hujumkorlikni oshirgan samarqandliklar 15-daqiqaga kelib hisobni tenglashtirishdi. “Buxoro” jamoasidan “Dinamo”ga kelib qo‘shilgan Nozim Umurov o‘z goli bilan muvozanatni tikladi, 1:1.
Ikkinchi bo‘lim ham tengkurashlar ostida o‘tgan bo‘lsa-da, Davron Fayziyev tomonidan zaxiradan maydonga tushirilgan futbolchilar “Dinamo”ning o‘yindagi g‘alabasini ta’minlashdi. 72-daqiqada tajribali yarimhimoyachi Dilmurod Karimovning yo‘llagan zarbasi hisobni 1:2 ko‘rinishga olib keldi.
Ushbu hisob o‘yin yakunigacha o‘zgarmadi va “Dinamo” yangi mavsum doirasidagi 4-yig‘in g‘alaba bilan boshlandi.
Eslatib o‘tamiz, “Dinamo” navbatdagi o‘rtoqlik uchrashuvini 10 fevral kuni Qozog‘istonning “Qiron” klubiga qarshi o‘tkazadi.
8 fevral (juma)
Nazorat uchrashuvi. Toshkent
«BUNYODKOR» - «DINAMO» - 1:2 (1:1)
Gollar: Vladislav Nuriyev 8 - Nozim Umurov 15, Dilmurod Karimov 72.
«Bunyodkor»: Murod Zuhurov, Ergash Ismoilov, Anvar G‘ofurov, Nodir Mavlonov, Dilshod Ahmadaliyev, Suhrob Izzatov, Luftulla To‘rayev, Sanjar Rixsiboyev, Jasur Jaloliddinov, Shavkat Salomov, Vladislav Nuriyev.
Ikkinchi bo‘limda maydonga tushganlar: Abdumavlon Abdujalilov, Bahriddin Muydinov, Bobur Farhodov, Sahob Jo‘rayev, Sardor Azimov, I.Sultonov, Doniyor Abdumannonov.
«Dinamo»: Shohruh Eshbo‘tayev, Akmal Xolmurodov, Hakimxon A’lamxonov, Otabek Narzullayev, Avaz Agaliyev, Damir Temirov, Nozim Umurov, Sardor Eminov, Komil Sharofutdinov, Amirjon Safarov, Vohid Shodiyev.
Ikkinchi bo‘limda maydonga tushganlar: Shohruh Raimov, Jasur Urinov, Mirkomil Lokayev, Sherzod Jalilov, Obid Hakimov, Dilmurod Karimov, Qadamboy Nurmetov, Sanjar Barotov, Temur Sharipov, Sunnatilla Abdullajonov, Jasur Ashurov.
«Dinamo» klubi matbuot xizmati.
