Bugun 10 fevral kuni 01:45da “Istiqlol” jamoasi Istanbul-Toshkent yo‘nalishida yurtimizga yetib keldi.

12 fevral kuni Olmaliq shahrida bo‘lib o‘tadigan Osiyo Chempionlar ligasi ikkinchi saralash bosqichida uchrashadigan AGMK hamda “Istiqlol” jamoalarining o‘yindan avvalgi mashg‘ulotlari hamda matbuot anjumani vaqti aniq bo‘ldi. Demak, bugun har ikki jamoanining mashg‘ulotlari Olmaliq shahridagi OKMK sport majmuasida bo‘lib o‘tadi. AGMK jamoasi o‘z mashg‘ulotlarini 11:00da boshlaydi. Mehmon jamoa mashg‘ulotlari esa 16:00da boshlanadi. Har ikki mashg‘ulotning dastlabki 15 daqiqasi OAV vakillari uchun ochiq.

Ertaga har ikki jamoa bosh murabbiylari ishtirokida o‘yinoldi matbuot anjumani o‘tkaziladi. Matbuot anjumani Toshkent shahridagi “Lotte” mehmonxonasining “Registon” zalida tashkillashtiriladi. Matbuot anjumaniga 11:30da “Istiqlol” bosh murabbiyi Hakim Fuzaylov ishtirok etsa, soat 12:30dan boshlab AGMK ustozi Mirjalol Qosimov jurnalistlar savollariga javob qaytaradi.

11 fevral kungi o‘yinoldi mashg‘ulotlari Toshkent shahridagi “JAR” stadionida bo‘lib o‘tadi. 11:00da AGMK mashg‘ulotlarini boshlasa, soat 16:00da “Istiqlol” rasmiy mashg‘ulotni o‘tkazadi. Mashg‘ulotning dastlabki 15 daqiqasi OAV vakillari uchun ochiq.