"Barselona" o‘z yarimhimoyachisi Filippe Koutinyoni sotish variantlarni ko‘rib chiqayotgani yo‘q.

ESPN ma’lumotiga ko‘ra, kataloniyaliklar 26 yoshli braziliyalikning jamoada uzoq qolishiga ishonadilar, ammo uning maydondagi roliga shubha qilmoqdalar.

Uni jamoaga taklif etayotganda, maydon markazida Andreas Inyestaning o‘rinbosari deb ishonilgan edi.

Koutinyo yarimhimoyachi Usmon Dembelening jarohatidan so‘ng ko‘proq o‘yin amaliyotiga ega bo‘la boshladi. Fransiyalik futbolchining maydonga qaytishi Koutinyoning asosiy tarkibdagi o‘rniga xavf solishi mumkin.

Avvvalroq, agar Koutinyoning o‘yini yaxshilanmasa, yozda sotib yuborilishi mumkinligi xabar qilingan edi.

ESPN nashri, klub rahbariyati Koutinyodpan qoniqish hosil qilayotgani va unga imkoniyat berilajagi mumkinligini yozmoqda.

Koutinyo ushbu mavsumda primeraning 21 o‘yinida 4 ta gol urib, 2 ta golga to‘p oshirgan.