O‘yin tugagach, futbolchilar bilan aloqa qilishning hech iloji bo‘lmadi. Shunga qaramasdan Sanjar Quvvatovdan o‘yin haqida fikrlarini bilishga bir amallab imkon topdik.
Assalomu alaykum, Sanjar, g‘alaba muborak!
-Va alaykum assalom, o‘zingizga ham muborak bo‘lsin
Bugungi uchrashuv siz uchun qanday o‘tdi?
-Bu o‘yinda ilk bor asosiy tarkibdan joy oldim. Yaxshigina hayajon bosdi. Asosiysi, o‘yinni g‘alaba bilan yakunladik.
Bugungi uchrashuvdagi g‘alabaning katta qiyinchilik bilan qo‘lga kiritilgani haqida nima deya olasiz?
-To‘g‘risi, mavsum boshida hali to‘liq formani yig‘ib ololmagan edik. Balki, shu sabab bo‘ldimi, o‘yinimiz u qadar ishonchli chiqmadi. Yigitlar bor kuchlarini ishlatib g‘alabani ilib ketishdi.
Sizningcha, uchrashuvdagi eng yaxshi o‘yinchi kim bo‘ldi?
-Menimcha hamma yaxshi o‘ynadi.
Yo‘q bittasini tannlashingiz kerak
-(Kuladi)Unday bo‘lsa Jaloliddin Masharipov!
Suhbat uchun rahmat. Muxlislarga aytadigan gaplaringiz bo‘lsa, marhamat
-Avvalambor bugungi uchrashuvga kelgan muxlislarga rahmat. Bizni qo‘llab-quvvatlab turgan ishqizbozlarning ishonchini oqlashga harakat qilamiz.
Yahyoxo'ja Ulug'xo'jayev
