Ўйин тугагач, футболчилар билан алоқа қилишнинг ҳеч иложи бўлмади. Шунга қарамасдан Санжар Қувватовдан ўйин ҳақида фикрларини билишга бир амаллаб имкон топдик.

Ассалому алайкум, Санжар, ғалаба муборак!

-Ва алайкум ассалом, ўзингизга ҳам муборак бўлсин

Бугунги учрашув сиз учун қандай ўтди?

-Бу ўйинда илк бор асосий таркибдан жой олдим. Яхшигина ҳаяжон босди. Асосийси, ўйинни ғалаба билан якунладик.

Бугунги учрашувдаги ғалабанинг катта қийинчилик билан қўлга киритилгани ҳақида нима дея оласиз?

-Тўғриси, мавсум бошида ҳали тўлиқ формани йиғиб ололмаган эдик. Балки, шу сабаб бўлдими, ўйинимиз у қадар ишончли чиқмади. Йигитлар бор кучларини ишлатиб ғалабани илиб кетишди.

Сизнингча, учрашувдаги энг яхши ўйинчи ким бўлди?

-Менимча ҳамма яхши ўйнади.

Йўқ биттасини таннлашингиз керак

-(Кулади)Ундай бўлса Жалолиддин Машарипов!

Суҳбат учун раҳмат. Мухлисларга айтадиган гапларингиз бўлса, марҳамат

-Авваламбор бугунги учрашувга келган мухлисларга раҳмат. Бизни қўллаб-қувватлаб турган ишқизбозларнинг ишончини оқлашга ҳаракат қиламиз.

Yahyoxo'ja Ulug'xo'jayev