«Chelsi» bosh murabbiyi Maurisio Sarri jamoa futbolchilari bilan munosabatlarda muammolarga duch kelmoqda.
AS nashri tarqatgan xabarga ko‘ra, klubning yetakchi futbolchilari bir necha oydan beri mutaxassisni qo‘llab-quvvatlamayapti. Bundan tashqari, murabbiyning ba’zi o‘yinchilar bilan aloqasi izdan chiqqan.
Sarri qo‘llayotgan uslublarni futbolchilar tushunmayapti. Boisi, uning mashg‘ulotlarida o‘yinchilar o‘zlarini noqulay his qilishmoqda. Agar italiyalik mutaxassis kelasi mavsumda ham jamoada qoladigan bo‘lsa, ayrim futbolchilar klubni tark etishi mumkin.