Andijon shahri Sho‘rbuloq dahasida joylashgan bolalar va o‘smirlar futbol akademiyasida tuman va shaharlarning 17-28 yoshdagi futbolchilaridan tashkil topgan 22 jamoa o‘rtasidagi “Viloyat hokimi kubogi” musobaqasining ochilish marosimi bo‘lib o‘tdi.
Viloyat hokimi Shuhratbek Abdurahmonov, mazkur bir oy davomida o‘tkaziladigan musobaqa davomida o‘zini ko‘rsata olgan iqtidorli yosh futbolchilar orasidan yangi tashkil etiladigan “Andijon 2” jamoasini shakllantirish tashabbusi bilan chiqdi. Bundan tashqari, turnir viloyat ikkinchi tabaqa jamoalarini shakllantirishga ham katta yordam beradi.
Musobaqada jamoalar 4 guruhga bo‘lingan holda ishtirok etishadi, uning final o‘yini hamda tantanali yopilish marosimi Navro‘z bayrami arafasida — 20 mart sanasida o‘tkazish rejalashtirilgan.
