"Sherlar" juma kuni "Paxtakor" stadionida mashg‘ulot o‘tkazishdi.

BAAga jo‘nab ketishdan oldin Toshkentdagi oxirgi mashg‘ulotda ayni paytda murabbiylar ixtiyorida bo‘lgan futbolchilar ishtirok etishdi. Sobirxo‘jayev asosiy guruh bilan ishlashga qaytgan bo‘lsa, Komilov yakka tartibda ishlashda davom etmoqda. Suyunov va Simich hozircha mashg‘ulotlarga qaytishmadi. Bir yarim soatcha cho‘zilgan mashg‘ulotda jamoaviy o‘yinni shakllantirish ustida mashqlar bajarildi.

Shanba kuni ertalab "Paxtakor" Chempionlar Ligasi pley-off bosqichida o‘ynash uchun BAAning Dubay amirligiga jo‘nab ketadi.