Bolgariya poytaxti Sofiya shahrida boks bo‘yicha «Strandja» xalqaro turniri o‘zining eng qizg‘in pallasiga yetib keldi. Bugun musobaqada final bahslari bo‘lib o‘tadi. Hal qiluvchi janglarga to‘rtta bokschimiz ringga ko‘tariladi.
-56 kg vazn toifasidagi jang finalida ikki o‘zbek charm qo‘lqop ustalari - Abdulhay Shorahmatov – Miraziz Mirzahalilov jang qilishi sababli biz uchun bitta oltin medal naqd edi.
Vesti.kz sayti xabariga ko‘ra, -69 kg vazn toifasida finalda hamyurtimiz Bobousmon Baturovga qarshi ringga chiqishi kerak bo‘lgan Abilayxan Jusupov (Qozog‘iston) jangga chiqmaydigan bo‘ldi. Qozog‘istonlik bokschining qo‘lida jarohati bor.
Eslatib o‘tamiz, -52 kg vazn toifasidagi finalda bokschimiz Xudoynazar Fayzov bolgariyalik Daniel Asenov bilan jang qiladi.
