Bugun Samarqandning “Dinamo” jamoasida ko‘p yillar mobaynida to‘p surgan Siroj Sayfiyevni olamdan o‘tganini eshitdim. Uzoq yillar saraton kasalliliga qarshi kurashdi. Sirojga turli xil xayriya orqali yig‘ilgan mablag‘lar orqali moddiy yordam ham ko‘rsatildi.
Uning bu dunyoni tark etganligini eshitib, 2010 yildagi bir voqea yodimga tushib qoldi.
2010 yilgi chempionat yakunlari edi. “Sho‘rtan” Samarqandda “Dinamo” jamoasi bilan bahs olib borgandi. Uchrashuv yakuniga yetib borayotgan pallada hisob 1:1 edi.
So‘nggi daqiqalar o‘tib borayotgan paytda uchrashuv bosh hakami “Sho‘rtan” jamoasi darvozasi tomon penalti belgiladi. “Nuqta”ga esa Sayfiyev yaqinlashdi. Uning bergan zarbasi darvoza ustidan o‘tib ketib, “Dinamo” tayyor g‘alabani qo‘ldan chiqargandi.
O‘shanda “Dinamo” jamoasi bosh murabbiyi Viktor Jalilov penaltini amalga oshira olmagani uchun jahl ustida Siroj Sayfiyevni o‘rniga uchrashuvning 86-daqiqasida Temur Vasilyevni maydonga tushirgandi.
“Dinamo” (Samarqand) – “Sho‘rtan” (G‘uzor) 1:1
16.10.2010 yil. Samarqand.
“Dinamo” stadioni. 7225 tomoshabin.
Hakamlar: Ravshan Ermatov, Rafael Ilyasov, Abdulhamidillo Rasulov.
Gollar: Boydullayev 39 – SH. Erkinov 74
Amalga oshirilmagan penalti: Siroj Sayfiyev 85.
“Dinamo”: D. Romanenko, A. Nikolayev, D. Oniya, A. Bozorov, U. Qobilov, S. Mustafoyev, E. Boydullayev, I. Yunusov, S, SAYFIYEV (T. Vasilyev 86), O. Krikliviy (H. Raxmonov 78), T. Qobilov.
Bosh murabbiy: Viktor Jalilov.
“Sho‘rtan”: M. Alavidze (A. Korneychuk 46), A. Aliqulov, SH. Raimqulov, YA. Krushelniskiy, V. Afonin (V. Klishin 65), V. Ponomaryov, A. Merzlyakov, SH. Erkinov, I. Taran (L. Ubaydullayev 46), P. Agbo.
Bosh murabbiy: Edgar Gess.
Tarkibga ko‘z yugurtirar ekanman, o‘sha paytdagi "Dinamo" jamoasining ikki nafari hozir oramizda yo‘q ekanligiga haligacha ishonish qiyin - Devid Oniya va Siroj Sayfiyev.
Oilalariga sabr bersin!
Odilbek Tolipov
