Бугун Самарқанднинг “Динамо” жамоасида кўп йиллар мобайнида тўп сурган Сирож Сайфиевни оламдан ўтганини эшитдим. Узоқ йиллар саратон касаллилига қарши курашди. Сирожга турли хил хайрия орқали йиғилган маблағлар орқали моддий ёрдам ҳам кўрсатилди.
Унинг бу дунёни тарк этганлигини эшитиб, 2010 йилдаги бир воқеа ёдимга тушиб қолди.
2010 йилги чемпионат якунлари эди. “Шўртан” Самарқандда “Динамо” жамоаси билан баҳс олиб борганди. Учрашув якунига етиб бораётган паллада ҳисоб 1:1 эди.
Сўнгги дақиқалар ўтиб бораётган пайтда учрашув бош ҳаками “Шўртан” жамоаси дарвозаси томон пенальти белгилади. “Нуқта”га эса Сайфиев яқинлашди. Унинг берган зарбаси дарвоза устидан ўтиб кетиб, “Динамо” тайёр ғалабани қўлдан чиқарганди.
Ўшанда “Динамо” жамоаси бош мураббийи Виктор Жалилов пенальтини амалга ошира олмагани учун жаҳл устида Сирож Сайфиевни ўрнига учрашувнинг 86-дақиқасида Темур Васильевни майдонга туширганди.
“Динамо” (Самарқанд) – “Шўртан” (Ғузор) 1:1
16.10.2010 йил. Самарқанд.
“Динамо” стадиони. 7225 томошабин.
Ҳакамлар: Равшан Эрматов, Рафаэль Ильясов, Абдулҳамидилло Расулов.
Голлар: Бойдуллаев 39 – Ш. Эркинов 74
Амалга оширилмаган пенальти: Сирож Сайфиев 85.
“Динамо”: Д. Романенко, А. Николаев, Д. Ония, А. Бозоров, У. Қобилов, С. Мустафоев, Э. Бойдуллаев, И. Юнусов, С, САЙФИЕВ (Т. Васильев 86), О. Крикливий (Ҳ. Рахмонов 78), Т. Қобилов.
Бош мураббий: Виктор Жалилов.
“Шўртан”: М. Алавидзе (А. Корнейчук 46), А. Алиқулов, Ш. Раимқулов, Я. Крушелницкий, В. Афонин (В. Клишин 65), В. Пономарёв, А. Мерзляков, Ш. Эркинов, И. Таран (Л. Убайдуллаев 46), П. Агбо.
Бош мураббий: Эдгар Гесс.
Таркибга кўз югуртирар эканман, ўша пайтдаги "Динамо" жамоасининг икки нафари ҳозир орамизда йўқ эканлигига ҳалигача ишониш қийин - Дэвид Ония ва Сирож Сайфиев.
Оилаларига сабр берсин!
Одилбек Толипов
