Taniqli ispaniyalik teleboshlovchi Kristina Pedroche "Yuventus" hujumchisi Krishtianu Ronalduning "Atletiko"ga qarshi o‘yinda o‘zining tutishini tanqid ostiga oldi.

O‘yin paytida "Atletiko" muxlislari Ronaldu hushtakbozlik qilgan bo‘lishsa, portugaliyalik ularga 5ta barmog‘ini ko‘rsatib, o‘zining hisobida 5ta YECHL sovrini borligi hamda "matraschilar" bunday sovringa ega emasligiga ishora qildi.

«Ha, shunday. Ronaldu besh marta Yevropa chempionlar ligasida g‘olib chiqqan bo‘lsa, «Atletiko» bu sovrinni biror marta qo‘lga kiritmagan. Shuningdek, Krishtianu hisobida 5ta «Oltin to‘p», «Oltin butsa»lar va yana 200 000ta sovrinlar bor... Ammo uning sovrinlar xonasi qanchalik katta bo‘lmasin, ba’zi narsa sig‘may qoladi.

Bu juda yaxshi ish emas. Shunday emasmi? Ronaldu, shuningdek, oyoq barmoqlaridan ham foydalansa bo‘lardi», – dedi jurnalist.

Shundan so‘ng Kristina oyog‘ining 10ta barmog‘i va qo‘lining 9ta barmog‘ini kameraga ko‘rsatib, o‘z harakatiga izoh berdi: "10+5+4 = 19 bo‘ladi. Bu soliqlarni yashirgani uchun Ronalduga solingan millionlab jarima miqdori".

Eslatib o‘tamiz, Ispaniya sudi Krishtianu Ronalduga nisbatan 18,8 million yevro miqdorida jarima va 2 yillik shartli qamoq jazosini chiqargandi.