"Chelsi" darvozaboni Kepa Arrisabalaga Angliya ligasi kubogi finalida "Man Siti"ga qarshi o‘yindagi (0:0, pen. seriyasi - 3:4) o‘zining harakatlariga izoh berdi.
Ispaniyalik darvozabon penaltilar seriyasi oldidan o‘zining almashtirishlariga qarshi bo‘ldi va bosh murabbiy Maurisio Sarri bilan tortishdi.
"Sovrinni qo‘lga kirita olmaganimdan xafaman.
Biz ajoyib jamoaga qarshi oxirigacha kurashdik, yanada kuchliroq bo‘lish uchun ishlashda davom eetamiz.
O‘yin oxirida yuzaga kelgan vaziyatdan xijolatdaman. Murabbiy qaroriga bo‘ysunmaslik niyatim yo‘q edi. Sovrin uchun kechgan qattiq jangdan so‘ng tushunmovchilik kelib chiqdi deb o‘ylayman.
Murabbiy meni o‘yinni davom ettirolmaydi deb o‘yladi, men esa jamoaga yordam berishga tayyor kanimni ko‘rsatdim. Shifokorlar zaxira o‘rindig‘iga yetib borgunlaricha, murabbiyning bundan xabari bo‘lmadi.
Bu ishni atay qilganim yo‘q. Men murabbiyni va uning obro‘sini juda hurmat qilaman", - deydi Kepa.
